خلصت العام الدراسي وطلعت راسب في الامتحان
رجعت البيت وحصلت الاسد منتظرني وهو غضبان
اتاريه عارف بالنتيجه من ابن عمي شحمان
قلت في قلبي : هذا الدب دومه شغال فتان
عطاني الوالد كفين وبكس وقالي : ما في منك فايده انت ولد خربان
تميت بغرفتي فوق سريري ملان
اسمه اغاني ايرانيه لعلي دريان
قلت : ايش يقول هذا بعد...والله انه مغني تعبان
قلت لنفسي : روح يا ولد شغل الكمبيوتر بدون ما يدري ابوك الطفشان
فتحت باب غرفتي وركضت شوي شوي مثل ركضت الفيران
وصلت للكمبيوتر وفتحته وانا اضحك مثل السبلان
قلي الكمبيوتر : ياهلا والله دومك مو شايف خير يا جربان
قلت له : سوي الكونكشن ونته ساكت لسانك طويل ما منه امان
قالي عشان ابوك الطيب بسويه لكن انت ولد فسدان
دخلت النت وفتحت الشات اللي بالناس عمران
حصلت اسامي وايد
دلوعه وسمسومه ونملهما نا قص الى اشوف عائلة خان
جلست ادور وفي النهايه طاحت عيني على واحده مسميه عمرها كهرمان
سويت كليك على اسمها وكلمتها برايفيت...وقلت لها :يا هلا والله بالرمان
تميت ادعي يارب ترد علي تراني عطشان
نطرت 5 ثواني وحصلت رد صغير وحلو يقول : تسلم لي يا جنتل مان
قلبي دق وطرت من الكرسي مثل الغراب الفرحان
قلت لها : من وين انتي يا زمرد يا فرقدان
ردت علي من البلاد العربيه...وانت يا فلان
قلت لها : من بلاد العرب المليانه ظلم وطغيان
قالت لي :... صدقت و الله انك انسان فهمان
قلت لها : ايش اسمج وكم عمرج ووين تدرسين
اذا بالامكان
ردت علي وبكل ذوق...اسمي(.......)22سنه جامعيه..وانت يا فلان
قلت : اخ ذي اكبر مني وجامعيه بعد وانا بعدني احوس في الثانويه مثل الجربوع العرقان
رديت عليها وقلت : انا اسمي(......)23سنه .. واشتغل في مدينة كان
قالت ايش عندك يا(......) في كان
قلت لها : الوالد عنده فندق ومخليني مدير عليه
وفي الحقيقه الوالد دايماطفشان
قالت لي : على كذا لفيت اوروبا وانت حيران
قلت لها: انا ما احب اروح الا لندن وباريس مع اني مارحت غير السنغال
قالت لي: اكيد كونت صدقات في كتير بلدان
قلت لها: اتعرفت على كتير بس ما اذكر غير جون و ميتران
سالتني ايش نوع السيارة الي تسوقها يا (......) ابن فلان
قلت لها: بورش موديل 2003
وانا ما اسوق الا بكيب موديل 79 مال ايام زمان وزمان
قالت لي: الله يزيدك من نعيمه كمان وكمان
ما انتظرت ردي وسالتني .... انت مرتبط ولا بعدك عايش في عالم العزوبيه التوهان
قلت لها: انا وحيد وما في احد يشارك قلبي با الاحزان
قالت لي: انا هنا جنبك ما رحت ولا بروح مكان
رديت عليها وقلت: انا كلني لك قلبا وعقلا ووجدان
قالت لي : ابي اسمع صوتك تراك كتير عجبتني حسيت انك انسان فنان
قلت لها: وانا اكتر لاني صرت بحبك هيمان
بس اخاف تسمعي صوتي وتقولي ايش ها الطرزان
فالت لي : ولا يخمك انا قابله فيك حتى لو كنت حيوان
عطني رقمك وانا اتصلك خلال ثوان
قلت لنفسي : خلاص البنت ذابت وصار حبي في قلبها مليان
توني بكتب الرقم واحس با الساطور فوق كتفي غليان
رفعت راسي فوق مثل الاهبل فزعان
ما اشوف لا الاسد جاي لي من عرينه زحفان
قالي يا ملعون يا بن الملعون جالس فوق الكمبيوتر مثل البريعصي الهربان
امشي للغرفه بوريك انا بخليك تغني اغنيه كنت نسيان
وهو يسحني من رقبتي مثل الكلب الصعران
حصلت رساله منها تقول : وينك حبيبي عطني رقمك خليت قلبي ولهان
قلت : مسكينه حبتني وانا رايح جهنم وهي تحسبني في كان
ما اقول الا آة منك يا شات خليت الناس عايشين في عالم الكذب والخذلان
الأربعاء فبراير 06, 2008 4:52 am
ههههههههههههههههههههههههههههههههههههههههههههههههههههههه شكرا على القصيدة